20 Voelgoedlewenslesse

Het jy dalk so ‘n bietjie inspirasie nodig om die jaar volstoom aan te pak?

DEUR: Ansja Ferreira

Rozanne Raath, ‘n lewensafrigter, gee ‘n paar goedvoelbeginsels, wat deur enigiemand van enige ouderdom toegepas kan word.

1. Voor jy enige van die wenke hieronder aandurf, gooi eers jou motor vol brandstof. Dus volg ’n lae-GI-dieet vir volgehoue energie en drink minstens twee liter water per dag. Jou liggaam gaan nie sonder “brandstof” doeltreffend kan funksioneer nie.

Rozanne deel ‘n paar beginsels van die Skool vir NLP (Neuro Linguistic Programming) vir suksesvolle en positiewe denke:

2. Elke optrede word deur ‘n positiewe bedoeling gedryf. Almal doen altyd wat hulle dink reg is of die enigste keuse vir hulle is, gegewe die omstandighede vanuit hul oogpunt, reg of verkeerd. Hou dit in gedagte voor jy oordeel, want die persoon bedoel dalk goed.

3. Die betekenis wat iemand anders aan jou kommunikasie heg, is die respons wat jy gaan kry. Wanneer jy dan kommunikeer, let op die gevolge van wat en hoe jy dit sê en onthou dat mense vanuit hul oogpunt daarop reageer.

4. Daar is geen mislukking nie, net terugvoering. Die woord “kritiek” laat sommige sweet en min mense hou daarvan. Hou jou kop hoog, want terugvoering is bruikbare inligting om jou meesterplan te verbeter en jou tot sukses te motiveer.

5. Wees buigsaam en pas by verskillende situasies aan.

6. Weerstand is ‘n teken van te min rapport (die skep van ‘n vertrouensverhouding of atmosfeer van vertroue). Wanneer jy rapport het, het jy massiewe invloed, so doen moeite om na ander te luister – by jou werk en by jou huis.

7. As een mens dit gedoen het, beteken dit dis menslik moontlik. As dit menslik moontlik is, kan enige mens leer hoe om dit te doen. Leer in 2016 ‘n nuwe vaardigheid aan.

8. Alle uitnemendheid en ongelooflike prestasies het ‘n struktuur en ‘n strategie, en juis om daardie rede kan dit aangeleer word. Sonder rolmodelle uit en leer by hulle. Jy hoef nie die wiel te herontwerp nie.

9. Ons het al die hulpbronne wat ons benodig, inherent in ons eie fisiologie en neurologie. Delf diep binne jou, jy het die antwoorde op jou groot vrae en jy weet presies wat om te doen.

10. Fokus eerder op uitkomste as probleme. Probleemraamwerke fokus op wat verkeerd is en hoe om verkeerde dinge reg te stel en skep ‘n negatiewe ingesteldheid. Uitkomsgebaseerde raamwerke fokus op die resultaat wat jy wil hê en die beste manier om dit te bereik en skep, is ‘n positiewe ingesteldheid.

11. Vra eerder “hoe”-vrae as “hoekom”-vrae. “Hoekom”-vrae lei tot ‘n stroom verskonings en redes wat die probleem net erger maak. “Hoe”-vrae gee jou begrip van die struktuur van die probleem en die dieper gedagtegang en motiverings wat dit in plek hou.

12. Fokus op moontlikhede in plaas van ‘n moet. Dan glo jy dat enigiets moontlik is en niks is ‘n moet nie. Dit laat kreatiwiteit vloei en nooi vryheid in.

13. Neem ‘n houding van nuuskierigheid en fassinasie aan in plaas van om uit die staanspoor aannames te maak en aan feite vas te klou. Vra uit en maak seker jy verstaan die ander persoon.

14. Wanneer jy jouself of omstandighede wil verander, moet jy op geestelike vlak begin (die diepste deel waar gedrag ontstaan), dan na identiteit oorgaan (dit wat jy oor jouself en ander glo), jou vermoëns, jou gedrag en laastens jou omgewing (waar jou gedrag manifesteer).

15. Lees eerder ‘n tydskrif voor jy gaan slaap as om met tegnologie besig te bly. Navorsing toon dat om na ‘n helder skerm (selfoon, rekenaar of TV) te staar jou korter, asook ligter laat slaap.

16. Doen een ding op ‘n slag en doen dit goed. Jy dink dalk jy’s baie produktief om jou e-posse en Twitter dop te hou terwyl jy in Excel werk, maar eintlik deel jy jou aandag in klein stukkies op en laat dit jou nog minder doeltreffend werk.

17. Handhaaf ‘n goeie postuur. Kom in die gewoonte om selfone, tablette, TV’s of rekenaars op jou lessenaar op ooghoogte te hou. Jou oë moet reguit vorentoe kyk, jou nek en rug moet reguit en regop wees en jou arms moet gemaklik rus.

18. Wees ‘n gesonde sosiale-netwerk-gebruiker. Sit jou “notifications” af en gebruik sosiale media doelgerig. Verskeie studies toon ‘n verband tussen die gebruik van sosiale media met verhoogde vlakke van stres en gevoelens van eensaamheid soos mense hulself met ander vergelyk. Neem dalk ‘n paar uur of ‘n dag “af” van sosiale media en kyk hoe jou gemoed verbeter. Onthou die beste verhoudings word in persoon of oor die telefoon gebou, so gaan drink eerder daai koffie as om na foto’s daarvan te staar.

19. Voorkoming is beter as genesing. Dis waar vir ons fisieke sowel as digitale lewens. Om die skok, angs en wanhoop, wat met die verloor van jou data, werk, media of aanlynrekeninge gepaardgaan, te vermy doen hierdie dadelik: Maak seker als is op verkieslik drie plekke gestoor: aanlyn (op ‘n “wolkie”), op jou rekenaar en op ‘n eksterne hardeskyf.

20. En as jy nie weet hoe om een van hierdie bogenoemde wenke aan te durf nie, laat ‘n professionele persoon jou help. Ek betaal eerder iemand wat van beter weet as om die verreikende skade ná die tyd te probeer herstel.

Rozanne Raath is ‘n lewensafrigter en kan gekontak word by rraath.coach@gmail.com of gaan lees meer by inspired2coach

Advertisements

Waarheid wen! – deur Rozanne Raath

Acts 20:20 I didn’t skimp or trim in any way. Every TRUTH and encouragement that could have made a difference to you, you got. I taught you out in public and I taught you in your homes.  Lewenstyl afrigting is nie iets nuuts nie. Selfs Jesus het ook die mense om Hom geleer en juis daarom glo ek daarin.

Met al die sportgebeure die afgelope weke kan ek nie anders as om te vra:  “Die bal is nou in jou hande… wat maak jy daarmee?”  Talle kliënte vra: “Kan die waarheid werklik ’n wen-kultuur in my lewe skep?”  Verseker JA!

Aangename kennis

Ek sien myself in die primêre sorg en voorkomende linie van verdediging in die oorlog teen stres. Ek verwys graag indien daar tekens van patologie is, maar wil my uiterste bes doen om pasiënte ’n nuwe lewenstyl en denkwyse aan te leer, voor hulle patologie ontwikkel. ’n Volledige ontleding van al agt lewensareas word gedoen en dan word daar, vanuit drie areas, doelstellings geskep wat die grootste impak gaan maak, asook emosionele verligting gaan gee.

Die vraag

Die model wat ek gebruik word opgesom in my slagspreuk: Laat die Waarheids-Lig Ewigdurende Verandering meebring. Of my kliënt ’n Christen is of nie, elke mens ervaar gebeure as stresvol indien hulle hulself sekere vrae vra en die antwoord daarop bedreigend ervaar word. Dis dalk nie noodwendig die waarheid of ‘n akkurate ervaring nie.

1 Cor 2:3: “I was unsure of how to go about this, and felt totally inadequate – I was scared to death, if you want the truth of it”

Ek leer dus vir my kliënte om agter die waarheid in situasies te kom. Wanneer hulle wel die waarheid in situasies mis is dit soos ’n gekleurde bril waardeur hulle kyk en elke situasie is dan daardie kleur. Deur hul ingesteldheid positief en waarheid-gerig te maak kan hulle deur kleurlose lense kyk en gebeure beter hanteer.

2 Titus 3:16: “Every part of Scripture is God-breathed and useful one way or another – showing us truth, exposing our rebellion, correcting our mistakes, training us to live God’s way.”

Ons het almal mekaar nodig en indien ons goed as ’n span funksioneer, kan ons merkbare verskille in gesinne maak. Ek is ’n geregistreerde berader (BA Hons Sielkunde, UV), maar het verder gekwalifiseer as Geregistreerde Lewenstyl Afrigter (Comensa, New Insights International). Kliënte het die keuse om of kontant fooie te betaal of vanaf hul mediese fondse te eis vir sessies. Verwys dus gerus enige pasiënte, familie of vriende wat oorwerk, oorstuur en oor ‘n paar dinge in hul lewens moet kom. Baie dankie aan elke huisdokter en sielkundige wat reeds die groot waarde van voorkomend optree besef en gereeld na my verwys.

2 Peter 1:12 Because the stakes are so high, even though you’re up-to-date on all this truth and practice it inside and out, I’m not going to let up for a minute in calling you to attention before it.

What will make your event successful and memorable? By Rozanne Raath

Book Rozanne for your next event, workshop

Book Rozanne for your next event, workshop

I have been a speaker at numerous events as well as bought my tickets for a fair share of them.  They all seem to have the same program:

Someone opens the event for 15 minutes.  Two or three others also have something to say.  Some dance group or artist delivers a few items and eventually food is served and the main speaker gets his/her chance.  The speaker is sometimes famous, but isn’t a professional.  They tell a nice story, but tomorrow your guests have forgotten all about it.  After two hours you finally get your chance of chatting with your friends and eating away.  But no-one does an event differently because this is the status quo.

Here’s a few pointers that will make your event successful and memorable:

  • Facilities should have good lighting, sound, comfortable seating and be easy to find.
  • Give your audience enough time to visit the stalls beforehand, but start your event punctually. It shows respect of others schedules.
  • Have the food and drinks on the table for guests to enjoy from the get-go. Most are starving because they fed the kids and the pets, but not themselves.
  • Ask the MC to keep the opening short.
  • Have activities where your guests can interact, take part and have fun, like a photo booth with instant pictures they can take home.
  • Book a really good artist or none at all.
  • Then play nice background music and give your guests some time to take a comfort break, stretch legs and chat (that’s what they came for).
  • Then introduce your main speaker. When booking a speaker, keep the following in mind:
  1. They should be a professional in their field.
  2. They should offer sound, practical advice.
  3. They should be able to teach your audience about a specific challenge in their lives.
  4. People take advice from others who are just normal people that have to work and manage a family.
  • Keep the thank you’s short and sweet.
  • End off with good music and time to shop and chat.

Good luck and blessings with your event.

To book Rozanne for your event send a request to rraath.coach@gmail.com   Click on the link to Inspired List of Workshops to read about Rozanne’s topics.

Moeilike besluite

Hoor die Here! Geskryf deur Rozanne Raath

Die laaste paar maande was vol nuwe keuses, kruispaaie, vrae en geduld. Ek moet bieg, ek het nie met elke besluit na die Here toe gegaan nie. Ek het nie vir elke besluit bevestiging nie. Is dit tog nodig dat ons met elke situasie na die Here toe gaan? Of bid mens in die oggende dat Hy jou sal lei en jy elke besluit met ’n bewustheid van Hom sal maak. Amper soos daardie WSJD (Wat Sal Jesus Doen) bandjies. Dit bly iets tussen jou en die Here jou God. Daar is soms dinge waarvoor ons klinkklare antwoorde wil hê, so hier is 5 riglyne.

1. Begin deur te bid vir ’n verwagting, ’n verwagting dat die Here met jou sal praat:

Psa 119:130 1Wanneer u woord vir mense oopgaan, bring dit lig; dit gee insig aan dié wat nog onervare is.
Psa 119:131 1Met my hele wese smag ek na u gebooie, verlang ek daarna.
Psa 119:132 1Sien my in genade aan soos U altyd doen vir dié wat u Naam liefhet.
Psa 119:133 1Laat u woord my op die regte pad hou; moet tog nie dat enige kwaad die oorhand oor my kry nie.
Psa 119:134 1Bevry my van veronregting deur mense. Ek wil u bevele gehoorsaam.
Psa 119:135 1Verskyn tog tot my redding, leer my u voorskrifte.

2. Ons hoef nie die Here te betaal om van Hom te hoor nie, al wat Hy vra is gehoorsaamheid:

Jer 7:22 Toe Ek julle voorvaders uit Egipte laat trek het, het Ek hulle nie beveel om vir My brandoffers en ander offers te bring nie.
Jer 7:23 Maar wat Ek hulle beveel het, is: Julle moet My gehoorsaam. Dan sal Ek julle God wees en julle sal my volk wees. Maar julle moet leef soos Ek julle beveel sodat dit met julle goed kan gaan.

3. Leer God ken, want dan sal jy Sy stem ook herken.

Joh 10:2 Maar hy wat deur die hek ingaan, is die skape se herder;
Joh 10:3 vir hom maak die hekwagter oop. Die skape luister na die herder se stem. Hy roep sy skape op hulle name en lei hulle uit.
Joh 10:4 Wanneer hy al sy skape uitgebring het, loop hy voor hulle uit, en die skape volg hom, omdat hulle sy stem ken.
Joh 10:5 Hulle sal nooit ‘n vreemde volg nie maar van hom af weghardloop, omdat hulle nie die stem van vreemdes ken nie.”

4. Luister na prediking. Kies mense saam met die Here na wie jy kan luister en deur hulle Sy stem hoor.

Rom 10:16 Die Israeliete het egter nie almal aan die goeie boodskap gehoor gegee nie. Jesaja sê immers: “Here, wie het die prediking geglo wat ons gehoor het?”
Rom 10:17 Die geloof kom dus deur die prediking wat ‘n mens hoor, en die prediking wat ons hoor, is die verkondiging van Christus

So terloops…
Iemand vra my oor die naweek hoe kan hulle elke dag, elk oomblik bewus wees van die Here se teenwoordigheid? Enige voorstelle? Kan mens die hele dag lag? Kan mens die hele dag kwaad wees? (Goed goed, vir sommige is dit moontlik) Kan mens die hele dag gelukkig voel? Ek dink nie so nie, mens sal teen 13:00 doodmoeg neerplons! Ek dink nie die Here het ons so gemaak om die lewe so intens te beleef nie. Dus dink ek nie dis moontlik om die Here die hele dag te ervaar nie. (bedoelende op ’n emosionele gevoels- manier nie). Kan mens die hele dag konsentreer as jy bestuur, lees, oefen…? Ek glo nie. ’n Mens se aandagspan is maar tussen 25-45 minute. Daarom glo ek ook nie dat mens bewus van die Here 24/7 kan wees nie. (bedoelende op ’n bewustelike, kognitiewe manier).

Nou wat nou? Want dis eintlik ’n rein gedagte.
Ek stel voor mens maak ’n assosiasie met ’n kleur of ’n objek en elke keer wanneer mens dit raaksien, dink jy doelbewus aan die Here. Sommige mense stel ’n “reminder” op hul selfone vir elke uur om doelbewus aan die Here te dink.

Wat raak nooit moeg nie en kan die heeltyd konsentreer? Jou onderbewuste! Asook die Heilige Gees wat daarin beweeg. So ek glo met my hele hart dat jy jou onderbewuste ook kan voed met sielskos en dat jy onbewustelik die hele dag met die Here se dinge kan besig wees, sonder dat dit dalk so voel.

Stuur gerus jul opinies of raad na rraath.coach@gmail.com of maak ’n “comment” op ons Facebook blad – http://www.facebook.com/pages/Inspired/321593577876108?ref=tn_tnmn of op ons webtuiste by die artikel by http://www.inspired2coach.net